L.A. type si Janella!
“My mother’s love,’’ ito ang maigting at mataginting na sagot ng upcoming singer ng Star Music na si L.A. Santos nang matanong kung paano niya na-overcome ang kanyang pagiging autistic na nag-manifest noong siya ay four years old.
Kwento ng ina ni LA na si Florita Santos, a Certified Public Accountant (CPA):
“At four, madalas niyang iuntog ang kanyang ulo.
“Hindi siya makapag-salita, kahit ng isang word, hanggang sa tumuntong siya sa edad na 6.
“It was when he turned 12 na naging normal na somehow ang kanyang pananalita.”
Naging malaking tulong daw para kay Florita, when, together with her friend, OPM (Original Pilipino Music) icon, Claire dela Fuente, took up a Bachelor’s degree in Restorative Medicine from the University of Makati.
Dahil sa added knowledge na kanyang na acquire tungkol sa health restoration, na matiyaga niyang ina-apply kay L.A. ay bumuti nang bumuti ang kalagayan ng anak.
Nakatulong din daw lalo ang pagkahilig ni L.A. sa music.
He had appeared onstage with the Stylistics/Air Supply, when the two international groups performed onstage in the country, sa concert which Florita and Claire produced.
Si L.A. rin ang front act nang mag-concert sa Kia Theater, Cubao si Patti Austin.
Sa concert ng OPM (Original Pilipino Music) legends na sina Imelda Papin, Eva Eugenio, Claire dela Fuente, Rico J. Puno, Marco Sison and Hajji Alejandro sa April 29, si L.A. ulit ang naatasang mag-front act.
Titled The Kings and Queens of OPM, the concert is scheduled at the Resorts World Manila (RWM). Produced by Star Media, headed by Anna Puno, directing the event is Freddie Santos.
Ang guess what more?
Inanunsyo ni Jonathan Manalo, head of Star Music, sa presscon na organized for L.A. na lalabas na ang album ng 17 year old recording artits na ang carrier single ay may title na Mine.
“The album will be composed of three covers,” patuloy pa ni Jonathan. “There is Bruno Mar’s When I Was Your Man, Forever ni Sarah Geronimo at Hanggang Kailan ni Angeline Quinto.
“The six originals naman, akmang-akma ang music at lyrics kay L.A.”
Paano naman kaya magre-react ang music lovers sa style ng pagkanta ni L.A.?
“They will not only admire him. They will love him.
“Si L.A. ay magiging simbolo ng pag-asa, lalo’t ng mga kabataang afflicted with autism.
“At sa bawat araw ina at ama, na may anak ng Austistic, tularan n’yo ang ina ni L.A. Huwag mawalan ng pag-asang one day soon magiging normal ang inyong anak.
“Patuloy n’yong busugin siya ng atensiyon. Higit sa lahat, pagmamahal,’’ patuloy pang wika ni Jonathan.
Tulad ng karaniwang kabataan, may crush si L.A. sa isang fellow Star Music artist niya.
Walang iba kundi kay Janella Salvador.
He has yet to meet her in person, though.
- Latest
