Pia pumiyok, wala pang korona nang targetin si Marlon!

Hindi pa pala kinokoronahang Miss Universe si Pia Wurtzbach ay type na niya ang car racer driver na si Marlon Stockinger.

Yup, ibinuko niya ang sarili sa teaser na lumabas sa guesting nila sa show ni Vice Ganda na Gandang Gabi Vice na eere sa Linggo.

Bukod dun, mapapanood din sa nasabing teaser na tinanong ni Marlon si Pia na:

“Since I got Vice’s advice to ask you on this show, I’d like to ask you if you would be my girlfriend officially tonight.”

Sa lagay na ‘yun pala hindi formal ang naging relasyon nila. Kahit maraming beses na silang umamin kung bakit sila nagka-inlaban.

Sa teaser ng interview, nasa hitsurang mas over head over heels ang beauty queen sa karelasyon.

Ang nasabing episode ang babangga sa bagong show ni Kris Aquino na Trip ni Kris na medyo hawig sa dati niyang show na Kris TV.

JM busy sa paggigitara at pagkanta

Ang paggigitara at pagkanta ang obvious na pinagkakaabalahan ngayon ng actor na si JM de Guzman base sa kanyang Instagram posts.

In all fairness, magaling na siyang maggitara at kumanta. Bakit kaya hindi na lang ‘yun ang karerin niya at doon muna mag-focus habang walang assignment sa TV o pelikula?

Sayang ‘to si JM. Kung siguro nagtuluy-tuloy ang career niya at hindi nadistract ng umano’y masamang bisyo, baka nasa rurok na rin siya.