Pagpanormal sa blood sugar (3)

Atong i-review ang husto nga estilo sa pagkaon aron pagpanormal sa blood sugar, ilabi na niadtong gi-diabetic o gi-diabetes na. Sa ato na nga nasayran, nauso na ang mga pagkaon nga  instant o ready-to-eat nga pulos na giproseso  diin ang importante nga nutrens nga  dietary fibers nawala na. Mao kini ang mopugong sa carbohydrates sa proseso sa  digestion ug nga matsek-ap pirme ug makontrol ang normal nga lebel sa blood sugar.

May nadiskubrehan si Dr. Michael Cutlers, nga matawag og sekreto sa iyang libro nag-ulohan og The forbidden secrets from nature’s pharmacy  (mga botika sa kinaiyahan), aron pag-ayo sa diabetes ug mga problema sa blood sugar. Matud niya sagad sa usa ka adlaw 15 gramos ra ang makunsomo nga dietary fibers, mao nga pirme motaas ang blood sugar nga imbes 26 gramos ang gikinahanglan niini kada adlaw.

Busa mokaon gyud ta og pagkaon nga dasok sa dietary fibers nga anaa sa mga utanon ug prutas. Hinay-hinay lang ayaw pakaliti nga bag-ohon ang kinan-an kay matuk-an ang atong sistema sa digestion. Imentin lang hangtod makakunsomo ta og igo nga dietary fibers, nga ni Dr. Cutlers pa mao sab ni ang sekreto pagpanormal sa blood sugar, sama sa pipila ka giya nga gihatag niya nga maoy buhaton.

* Kun sa kan-on (bugas) o harina, maoy gamita ang bersyon nga whole grain, buot ipasabot dasok kini sa dietary fibers.

      * Sa mansanas (apple), ang usa ka buok niini makakaon nata og upat ka gramos nga dietary fibers i-apil ang panit sa pagkaon. Raspberries 1 ka tasa niini- 4 gramos, Oatmeal 1 cup niini, 4 gramos.

* Sa laktod likayan ang grains nga sagad mga puti, sama sa pasta, puting pan, kay nawala na ang mga dietary fibers niini.

* Prutas mismo ang kaunon dili maghilig sa fruitjuice kay zero fibers kini. Maayo kilawon o i-blend, aron mapabilin ang fiber nutrients nga makaon nato.