Pit Senyor! Viva Senyor!

Mga KaBisChilka mao na gyud ni all over the world ang atong gipaabot, ang Sinulog Festival! Sa dili pa mo morampa sa mga kadalanan karun adunay mga pipila ka mga Motherly Reminders ang inyong Yur’s truly. 

1.Mas maayo nga dunay mahibilin sa inyong balay para ang mga Lupen, (kawatan), dili makasulod 

2.Kun magbitbit og mga batang gagmay siguroha lang gyud nga dunay daghang dala nga pagkaon, tubig ug mga extra shirts, shorts o bisag towels para kun magkinaunsa mouwan o moinit duna kay andam nga panagang

3.Mas maayo ang inyong mga gagmay nga anak inyong kwentasan og name tag ug naa ang ilang pangalan, inyong pangalan og contact number para kung mawala man gani ka ? hahhaha! Dali ra kaayo ka tawagan sa makakita sa inyong anak

4.Maayo usab nga magsul-ob mo og mga sanina nga hayahay ang inyong pamati sama sa sleeveless o klase sa t-shirt nga ang panapton kay nipis lang 

5.Ayaw pagdala og mga mahalon nga butang o dakong kwarta unya likayi ang pagsul-ob og mga mahalon nga alahas para dili ka maghilak kay basin malabnihan na

6.Pangita og puwesto nga klaro kaayo ang mga Sinulog contingents labi na sa ilang pagsayaw og para hugyaw ang imong makuha nga pictures.

7.Ug wala kay plano nga morampa, tutok sa GMA 7 kay adunay TV coverage ang inyong Kapuso Network alas diyes sa buntag hangtud ala una sa hapon unya mobalik sa alas tres sa hapon hangtud ala singko y medya sa hapon. Di ba Hugyaw ra?

KINSA SIYA??? 

Speaking of GMA Sinulog Live Coverage ang inyong Mother Butanding didto magbabag sa may USC North Campus para mohatod sa mga lab-as nga panghitabo sa Sinulog Grand Parade. Kinsa kaha nga mga Kapuso Stars ang makauban sa inyong Yur’s truly? Hahhahahaha! Dili lang usa ang akong makauban para mag-host kun dili duha sila! Wow! Sabaw nga init! 

Feeling nako kay mag nose bleed gyud ko ani unya dapat manukad ko kay kining duha ka Kapuso stars  nga akong makauban kay mga GWAPO, HUMOT ug YUMMYLICIOUS ! Noh? Maboang ko! Murag pagkuyog pa lang namo sa ilang unang Kapuso Mall Show naHugyaw ko kay mga lami gyud sila oi! 

KINSA SIYA ang una nakong makauban mo host? Pure Indian pero Pusong Pinoy, lawas kong lawas ug unya makahibalo usab siya mokanta… hmmmmm… usa sa mga gusto makaangkon sa gugma ni Billie sa Meant to be you…Yes! Yur Korek! ADDY RAJ!

KINSA SIYA  ang ikaduha nakong makauban nga mo host sa GMA Sinulog coverage? Filipino – American gwapo ug nag-start ang iyang career sa usa ka reality show…usa sa mga leading man ni Barbie Forteza sa Meant to Be You… hala oi kaabtik! Tammaaaaa si IVAN DORSCHNER!  

Di ba manukad gyud ko ani ug magbalon og daghang English! Hahahahhahaha! 

Hisgutan nato ang GMA SINULOG FLOAT… Kinsa nga mga Kapuso Stars ang manakay niini? Mao lang ni sila…

CASTS of MY LOVE FROM THE STAR – usa ka remake nga Korean Drama ang pagbalik ni JENNYLYN MERCADO sa Primetime kauban ang bag-ong Kapuso Star nga si GIL CUERVA

CASTS of MEANT TO BE YOU – usa ka romance comedy nga gibidahan ni Barbie Forteza sakay sa float ang duha sa upat niya ka leading men nga silang JAK ROBERTO ug KEN CHAN

CAST of DESTINED TO BE YOURS – kinsa pa man diay? kung dili ang ALDUB!  Si ALDEN RICHARDS ug MAINE MENDOZA

Alegre! Lingaw! Nindot! ang mga mahitabo sa kadalanan pero reminder lang sa atong mga KaBisChika be responsible sa inyong mga butang, sa inyong mga kuyog nga mga bata ug labaw sa tanan BE SAFE! 

PIT SENYOR! VIVA SENYOR!