2 tudas sa engkuwentro

CAVITE, Philippines – Nadagdagan na naman ang bilang ng mga napapatay na may kinalaman sa droga matapos na mapatumba ng pulisya ang dalawang umano’y tulak sa isinagawang buy bust operation Gen. Trias Police sa Brgy. Manggahan, Gen Trias, lalawigang ito kahapon.

Ang mga napatay ay sina Reynaldo Lapat at isang alias Nisan,  kapwa residente ng Stateland, Manggahan. Gen. Trias.

Sa ulat, alas-5:45 ng madaling araw nang magsagawa ng drug buy bust operation ang pulisya laban sa mga suspek. Nakipag-deal ang pulis na nagpanggap na buyer sa mga suspek at bumili ng droga sa mga ito.

Nakatunog umano ang mga suspek na pulis ang kanilang ka transact kung kaya agad na bumunot ng mga baril at pinaputukan ang mga suspek.

Nagkaroon ng habulan at palitan mg putok na tumagal ng may ilang minuto hanggang sa bumulagta ang mga suspek.