Malakanyang nakiisa sa Human Rights Day
MANILA, Philippines – Sa kabila ng mga nangyayaring patayan sa bansa sanhi ng kampanya ng gobyerno laban sa ilegal na droga, nagpahayag kahapon ng pakikiisa ang Malacanang sa paggunita ng mundo sa Human Righst Day.
Ayon kay Communications Assistant Secretary Marie Banaag, kaisa ang Malacanang sa mga Filipino na gumugunita sa Araw ng Karapatang Pantao.
Nilinaw rin ni Banaag na kinokondena ng Palasyo ang mga human rights violations at laban ito sa mga nangyayaring extrajudicial killings.
Pero tumanggi si Banaag na sagutin ang tanong kung bakit halos walang ginagawa ang gobyerno para masawata ang nangyayaring patayan araw-araw ng mga pinaghihinalaang sangkot sa ilegal na droga.
Ayon kay Banaag, mas makakabuting ang Philippine National Police ang sumagot sa nasabing isyu dahil ito ang nagsasagawa ng mga imbestigasyon.
Nilinaw ni Banaag na nais rin ni Pangulong Rodrigo Duterte na anumang krimen ay maimbestigahan ng PNP.
- Latest