Death penalty bill aprub na sa House
Kabilang naman sa mga kasong papatawan ng parusang kamatayan ay ang kasong treason, qualified piracy, qualified bribery, parricide, murder, infanticide, rape, kidnapping at serious illegal detention, robbery with violence against or intimidation of persons lalo na kung magresulta ito sa kamatayan ng biktima. File photo
MANILA, Philippines – Inaprubahan na ng House Committee on Justice ang panukalang batas na magbabalik ng parusang kamatayan sa bansa.
Sa botong 12 na kongresistang pabor, 6 hindi at 1 ang nag-abstain ay kinatigan ng mother committee ang bersyon na nakalusot sa sub-committee on Judicial Reforms kung saan ipinapataw ang parusang kamatayan sa heinous crimes pati sa drug related cases.
Base sa substitute bill, ang gagamiting paraan ng death penalty ay maaaring sa pamamagitan ng hanging, firing squad o lethal injection.
Kabilang naman sa mga kasong papatawan ng parusang kamatayan ay ang kasong treason, qualified piracy, qualified bribery, parricide, murder, infanticide, rape, kidnapping at serious illegal detention, robbery with violence against or intimidation of persons lalo na kung magresulta ito sa kamatayan ng biktima.
Gayundin ang destructive arson, plunder, importation of dangerous drugs and or controlled precursors and essential chemicals, sale, trading, administration, dispensation, delivery, distribution at transportation of dangerous drugs and or controlled precursors and essential chemicals, 10 grams lang ng droga, maintenance of drug den, manufacture of dangerous drugs and or contemrolled precursor and essential chemicals, possession of dangerous drugs, cultivation or culture of plants classified as dangerous drugs, unlawful prescription of dangerous drugs, criminal liability of public officer for misappropriation, misapplication of confiscated or surrendered drugs, criminal liability for planting evidence at carnapping.
Matapos ang pagpasa sa committee level ay iaakyat na ang panukala sa plenaryo para pagdebatehan at inaasahan din itong maaprubahan bago mag-Christmas break ang kongreso sa Disyembre 14.
Ayon naman kay Dinagat Island Rep. Kaka Bag-ao, isa sa anim na bumoto na hindi pabor sa parusang kamatayan, ang death penalty ay nagsasalig lamang ng Extra Judicial Killings.
Bukod dito, anti-poor din ang death penalty dahil sa sistema ng katarungan sa bansa.
- Latest
