Pacquiao, official endorser ng DOT
MANILA, Philippines - Inaprubahan ng mga miyembro ng House Committee on Tourism ang panukala na italaga si Filipino boxing icon Sen. Emmanuel “Manny” Pacquiao, bilang official endorser ng Department of Tourism (DOT) sa kampanya nito upang gawin ang bansa bilang pangunahing tourist destination.
Ipinanukala ni 1-PACMAN party-list Rep. Enrico Pineda, sa DOT na italaga si Senator Pacquiao bilang tagapagsalita ng departamento dahil sa napakalaking karangalan ang ibinigay nito sa Pilipinas at maging sa ibang bansa.
“Sen. Pacquiao’s international stature is a big boost to the tourism industry of the country. His endorsement would create a lot of impact, especially in the social media,” sabi ni Pineda.
Tiniyak ni Pineda na ang serbisyo ni Pacquiao sa DOT ay libre.
- Latest