Asst. Solgen inaresto sa ‘sexual abuse’ sa US
MANILA, Philippines - Inaresto ng US authorities ang assistant solicitor habang nasa Estados Unidos dahil sa umano’y pang-aabuso sa isang 13-anyos na lalaki.
Sa ulat na nakarating sa Department of Foreign Affairs (DFA), nakatakdang iharap sa pagdinig sa US court ang Ph official na si Asst. Solicitor General Derek Puertollano dahil sa kasong “misdemeanor sexual abuse of a minor”.
Kasalukuyan nang binibigyan ng assistance ng Embahada ng Pilipinas si Puertollano na nakapaglagak ng piyansa para sa kanyang pansamantalang kalayaan kasunod ng pagkaka-aresto nito noong Nobyembre 19.
Siya ay hindi pinapayagan ng korte na makalabas ng US at inatasang isuko ang kanyang pasaporte.
Si Puertollano ay nagtungo sa US sa official work para dumalo sa “seminar on international arbitration” sa Washington D.C. nang maganap ang sinasabing sexual abuse.
Sa ginanap na arraignment sa kanyang kaso, nag-plead ng not guilty ang naturang opisyal.
- Latest
