Pagtanggi sa Iran, normal na kaugalian
May isang nakalilitong kaugalian ang mga Iranian. Tinatawag na “taarof” ito’y ang kanilang kaugalian ng pagtanggi. Halimbawa, tinatanggihan ng mga may-ari ng tindahan ang bayad ng bumibili kung ang customer ay nasa mas mataas na social rank.
Naiintindihan ito ng customer at makailang beses itong magpupumilit na bayaran ang kanyang kinuha na siya namang tatanggapin ng may-ari ng tindahan.
Malaking kalituhan ito sa mga namimiling foreigner.
Ang taarof din ay nangyayari sa pag-imbita sa mga tahanan.
Nasa kultura na ng mga Iranian na dapat kang tumanggi ‘pag inimbitahan ka sa kanilang tahanan.
Ang inaasahan kasi dapat na maging sagot dito ay tanggihan ang nang-iimbita.
Isa lang kasing formality ang pag-iimbita at malamang na hindi ka talaga gustong papuntahin ng nang-imbita sa kanilang tahanan.
‘Pag pumayag ka ay malalagay sa alanganin ang taong nang-imbita sa iyo.
- Latest