Wala nakatungha
CEBU, Philippines - Napakyas pagtungha ang Kapuso actress Sunshine Dizon sa gipahigayon nga reunion sa orihinal nga mga sangre sa fantaseryeng Encantadia tungod sa problema sa panglawas. Nipadangat na lang ang aktres sa iyang mensahe ngadto sa mga kauban gamit ang Instagram account niini.
Magkapares na gyud!
Magpares na gyud sa unang higayon sila si Andre Paras ug Mikee Quintos sa Kapuso interactive romcom nga URL kon Usapang Real Love’s nga giulohang Perfect Fit. Makauban sa duha ang Starstruck 6 graduates nga silang Arra San Agustin ug Jay Arcilla.
Gikagubtan sa mga fans
Gikagubtan sa mga Cebuano fans ang Korean actor Park Bo Gum atol sa pag-abot niini sa Mactan Cebu International Airport niadtog Biyernes. Wala damha sa K-Pop star ang kalit nga pag-abot sa mga fans kay matud pa bakasyon ra iyang tumong dinhi sa Cebu. Si Park maoy bida sa Korean drama nga “Love in the Moonlight” nga gitakdang ipasalida sa Kapamilya network.
Gipangandaman
Grabe nga pagpangandam nilang Alden Richards ug Maine Mendoza sa gipahigayon nga kasal sa noontime show nga Eat Bulaga! Gisul-ob ni Maine ang gown nga gidesenyo ni Rosa Clara nga gitawag og “Calina.” Nagpadala sab og mensahe ang sikat nga author nga si Lang Lev para sa kasal sa duha.
Na-improve ang sex life
Gibutyag sa singer nga si Regine Tolentino nga na-improve ang sex life sa iyang mga studyante sa Zumba tungod sa maong exercise “Nakakalimutan nila ang problema nila, nag-iiba ang araw nila when they start to dance… happy hormones iyan,” sigon pa niini.
Kilig nga imbitasyon
Gikilig ang aktres nga si Kim Chiu sa dihang gisurprisa sa iyang leading man nga si Xian Lim. Nagbutang ang aktor og dakong banner atubangan sa balay ni Kim nga adunay mensahe nga “Will you be my date?”. Kini kabahin sa imbitasyon ni Xian ngadto kang Kim nga mamahimong date sa Star Magic Ball kagahapon. (BANAT NEWS)
- Latest