Aicelle ug Mark naguros-uros ang gugma

CEBU, Philippines - Giselebrar sa Kapuso singer Aicelle Santos ug GMA News reporter Mark Zembrano ang ilang sixth monthsary isip managhigugmaay.

Gi-post sa  Traffic Diva  sa Instagram  ang  hulagway nila ni Mark sa dihang nagbakasyon sila sa usa ka beach resort.

 “Crazy in love with you for six months now! And it’s crazier and sweeter each day! I love you mahal ko @markzambrano! Beach trip soon?,” ang caption sa Instagram post ni Aicelle.

Nahimong opisyal ang relasyon sa duha niadtong buwan sa Mayo human sila magkaila pinaagi sa social media.

Nasayran nga upat ka tuig nga wala mosulod og relasyon si  Mark tungod kay matud pa naglisod kini og move on sa katapusan niyang girlfriend hangtod nga naabot og kalit sa iyang kinabuhi si Aicelle.

Nadine mipasabot sa viral video

Human sa taud taud nga pagpakahilom, mihatag na og katin-awan ang  Kapamilya actress nga si  Nadine Lustre mahitungod sa viral video niini kung diin  matud pa iyahang gidedma ang request sa usa ka fan nga buot magpahulagway kaniya.

“I’m not affected by it. Because even the person, the girl in the video, was not affected by it,” tsika pa ni  Nadine ngadto sa pep.ph.

Dugang pa niya nga nakita niya ang presensiya sa maong babaye apan naglisod siya og  abi-abi niini   sanglit nagpadayun man ang shooting niya  sa usa niya ka proyekto.

Kahinumduman nga gipanalipdan  na  si Nadine sa maong female fan niya nga naa sa video.

Ang fan  nga nagtangag sa Twitter name nga @mchljllcbl miangkon nga gidid-an  gyud sila sa pagkuha og hulagway sa set apan mipahimus siya sa kahigayunan sa dihang miagi na dool kaniya ang iyang idolo.

Gitataw ni  Nadine nga wala siya’y reklamo sa iyang workload apan matud niya adunay mga higayun nga maapektuhan gyud ang iyang energy level sa dili masabtan niya nga  schedule sa trabaho.

“I just hope that people would understand because we’re working every day. We don’t get enough sleep. We’re always tired,” dugang pa sa aktres.

Denise ug Sol nagbuwag!

Gipahibawo sa TV host-actress nga si Denise Laurel niadtong miaging gabii nga naputol na ang  relasyon nila sa  PBA player nga si Sol Mercado.

Nasayran nga engaged na unta ang duha   ug target nila nga   magpakasal sila  karong tuiga.

Si Laurel nasigpatan pang mitan-aw sa duwa ni Mercado atol sa PBA finals niadtong Miyerkules sa gabii,sa maong higayon sab niya gi-post sa instagram ang balita kalabot sa ilang panagbuwag.

“I just want to ask all of you for prayers right now and support… From now on Sol and I are just friends. I am very happy for him and I have learned so much from him! But please don’t tag me first on anything that has to do with him. We both tried our best,”  nagkanayon ang aktres .

Kusganon usab nga gipaambit ni Laurel nga walay nalambigit nga  third party sa  ilang panagbuwag.

Wala’y forever

‘This is our second breakup and, I think, this is the final one,’ mao kini ang gipaambit sa Kapamilya actor  nga si Jake Cuenca kalabot sa istado nila sa modelo  nga si Sara Grace Kelley.

Apan bisan sa ilang panagbuwag padayun gihapon nila nga  gi-follow ang usa’g -usa sa Instagram.

Gipaambit sa actor nga si Sara maoy mitapos sa ilang relasyon.

Nag-una nga rason sa ilang breakup mao ang long distance relationship.

Nagbase si  Sara sa Amerika ,  samtang busy  si Jake sa iyang showbiz career dinhi sa Pilipinas. 

Kahinumduman nga nagkabuwag na kaniadto sila si Jake ug Sara apan nagbalik ra usab dayon. (BANAT NEWS)