Dili mahadlok

CEBU, Philippines - Gibutyag ni JC Santos nga dili siya mahadlok kun ugaling mogawas ang isyu nga magkwestiyon sa  iyang sekwalidad nunot sa iyang gay role sa ABS-CBN primetime series  nga Till I Met You. Matud pa ni JC, iya kining role busa andam siya nga  buhaton  ang tanan. “Hindi naman ako natatakot, masaya ako sa acting, e, and it’s what I wanted to do for the rest of my life,”  matud  pa sa aktor.

Buwag na?

Nigawas ang isyu nga nagbuwag na ang singer nga si Jovit Baldivino ug ang non-showbiz girlfriend  niini nga si Shara Chavez human sa wala pagtungha sa singer sa bunyag sa ilang anak. 

Concern kang Lovi

Gibalibaran sa hunk actor nga si Derek Ramsay ang gisugyot nga doggy style sex position nga usa  unta sa mga eksena nila ni  Lovi Poe sa  pelikulang The Escort. Matud pa ni  Derek nga  dili makatarunganon nga makita ang aktres sa maong klase nga  eksena. Nagpasalamat si Lovi ngadto sa aktor human nakumbinsir ang direktor nga ilisan ang maong sexy scene.

Sam nauyonan

Gitudlo ang aktor nga si Sam Concepcion sa Japanese tourism officials nga usa sa mga artista  sa Asya nga gusto nilang mokam-panya sa pagpaila sa ubang tourist spots sa nasud. Gikasabotan sa aktor ug sa tourism organization sa Japan nga gikinahanglan ilakip ni Sam sa gihimo niya nga music video  ang mga sikat nga suroyanan sa nasud sama sa Iwate Park, Chuson-ji temple, Kappabuchi Pool, ug Fudo Falls.

Lahi ang prayoridad

Gibutyag sa Kapuso star Glaiza de Castro ang rason nganong wala nilahutay ang relasyon nila  ni Benjamin Alves kinsa gika-date na karon sa aktres nga si Julie Anne San Jose. “Di ko siya priority nung time na yun dahil hindi ko siya nakitaan ng reason para i-prioritize,” paghot pa sa aktres.

Happy alang  kang  Kaye

Malipayon ang  singer nga si Chito Miranda  alang sa iyang ex-girlfriend nga si  Kaye Abad nga gitakdang ikasal kang  Paul Jake Castillo karong Disyembre. Gipadangat niya ang mensahe kang Kaye pinaagi sa iyang Instagram account.

Paneguro

Gipaneguro ni Zsa Zsa nga  lisod na tumpagon ang relasyon nila ni Conrad Onglao. Ang duha nagbalik dili pa lang dugay.  Ipatigbabaw  sa duha ang pagsinabtanay.

Pahinungod sa iyaan

Ginganlan ni Lady Gaga ang latest album niini og “Joanne” kinsa pangalan sa nipanaw niya nga iyaan. Gibutyag sa singer  nga grabe ang kasakit nga gibati sa iyang papa sa dihang nipanaw ang iyang  iyaan. Isip  pagbalik lantaw sa iyang kagahapon, nakadesidir siya nga ang pangalan sa iyang ante maoy gamiton sa iyang album.

Sekreto ni Piolo

Gipaambit sa 39- anyos nga aktor nga si  Piolo Pascual kung giunsa niya pag-maintain iyang hunky Papa Piolo image bisan nga nagka-edad na siya. ‘Listen to your body. You get to a point na mare-realize mo kung anong kailangan ng katawan mo because, at the same time, if you listen to your body, then vice versa, it will listen to you. Whatever you want it to feel or kapag umo-overweight ka na, alam mong you have to slow down on your diet,” sigun pa sa aktor.

Kahibalo sa tanan 

Nagmaya ang “Alyas Robinhood” star nga si Andrea Torres human napiling bridesmaid sa kasal sa bestfriend niini nga si  Rochelle Pangilinan ug Arthur Solinap. Si Andrea ang saksi sa love story sa manag-uyab. (BANAT NEWS)