Narco-judge pinangalanan ni Duterte
MANILA, Philippines – Pinangalanan ni Pangulong Rodrigo Duterte ang isang hukom sa Agusan del Sur na kasama sa listahan ng mga sangkot sa ilegal na droga.
Sa kanyang talumpati sa 9th National Biennial Summit on Women and Community Policing sa Apo View Hotel, Davao City noong Biyernes, binanggit ni Duterte na kabilang sa listahan ang judge na tinambangan isang linggo bago siya umalis patungong Vietnam at kasalukuyang nasa kritikal na kondisyon.
Ang tinutukoy ni Duterte ay si Judge Hector Salise, presiding judge ng RTC 7 sa Bayugan City.
“Papangalanan ko siya sa harap ng publiko. Nabalitaan kong tinambangan siya sa kung saang lugar. Nandito ang pangalan. (Judge Hector Salise) Agusan del Sur. Case fixing,” sabi ni Duterte.
Tiniyak rin ni Duterte na muling na-validate ang listahan ng mga sangkot sa droga.
Karamihan rin umano sa mga nasa hawak niyang listahan ay mga pulis, barangay captains, may ilang mayors dalawang congressmen at mga huwes.
- Latest