Dahil ayaw ng China: PH-US war games tatapusin na ni Duterte
MANILA, Philippines — Sa kaniyang kagustuhan na gumawa ng bagong alyansa sa China, pinawawakasan na ni Pangulong Rodrigo Duterte ang war games sa pagitan ng military ng Pilipinas at Amerika.
Sinabi ni Duterte na ito na ang huling war games ng Pilipinas sa Amerika dahil hindi pabor dito ang China na nais niyang makatulong para sa kalakalan at komersyo.
"I would serve notice to you now that this will be the last military exercise. Jointly, Philippines-US, the last one," pahayag ni Duterte sa kaniyang pagharap sa mga Pinoy sa Hanoi, Vietnam kung saan mayroon siyang working visit.
PANOORIN: Duterte ayaw na ng joint patrols kasama ang US
Sa kabila nito ay tiniyak ni Duterte na mananatili pa rin ang alyansa ng Pilipinas at Amerika.
"So I’m serving notice now to the Americans and to those who are allies: I will maintain the military alliance because there is an RP-US Pact which our countries signed in the early ‘50s. But I will establish new alliances for trade and commerce and you are scheduled to hold war games again, which China does not want," dagdag ng Pangulo.
Ngunit muli na namang nilinaw ni Foreign Affairs Secretary Perfecto Yasay Jr. ang naging pahayag ni Duterte.
"He did not say that at all. What he said is that as he said before, there would be no joint patrols with a gray ship of any nation in the South China because that would be a provocative act," paglilinaw ni Yasay.
BASAHIN: US troops pinaaalis ni Duterte sa Mindanao
Sa 1951 Mutual Defense Treaty nakasaad na magtutulungan ang Pilipinas at Amerika kapag ang isa ay naagrabyado ng ibang bansa.
Nauna nang sinabi ni Duterte na ititigil na rin ng Pilipinas ang pagpapatrolya sa pinag-aagawang teritoryo dahil ayaw niya ng gulo at sa halip ay ang dati nang 12 nautical miles offshore na lamang ang babantayan.
Inihayag ito ni Duterte sa kabila ng pagpabor ng international arbitration court sa Pilipinas sa agawang ng teirtoryo sa West Philippine Sea.
- Latest
