Bagong patakaran sa Public Affairs Office ng Quezon City, kinondena

MANILA, Philippines – Kailangang nang mag-log in ang lahat ng mga  outsiders kasama na ang mga miyembro ng media sa log book ng Public Affairs and Information Services Office (PAISO) ng QC Hall oras na pumasok sa  naturang tanggapan.

Ito ay nakasaad sa office order 2- 2016 na ipinalabas at nilagdaan  ni PAISO head Ares Gutierrez na epektibong ipinatupad mula noong September 23, 2016.

Nakasaad din dito na hindi maaaring gamitin ng hindi tauhan ng PAISO tulad ng media ang alinmang compu­ters ng PAISO para sa kaukulang seguridad.

Batay pa sa order, hindi maaaring pumasok ang sinumang outsiders sa working area ng PAISO ng walang pahintulot si Gutierez.

Ang sinuman umanong mga tauhan ng PAISO tulad ng mga consultant at contractuals na magpapasok  ng mga outsiders at hindi tutupdin ang kanyang utos ay parurusahan.

Reaksiyon ng mga media sa QC, hindi sana isinama ni Gutierrez ang media dahil katulong niya ang mga ito sa pagpapalaganap ng impormasyon ng mga programa ni Mayor Herbert Bautista.

Ang PAISO  anila ay isang public office na maaaring puntahan ng lahat ng sinumang indibiduwal na nanga­ngailangan ng ayuda ng lokal na pamahalaan.

Dapat din sanang nagtalaga si Gutierrez ng kahit isang computer sa Paiso sa  sinumang taga media na nais na gumawa ng balita ni Bistek .

Ang naturang hakbang ay ngayon lang nangyari nang maupong hepe ng PAISO si Gutierrez .