Napapatay sa drug war, 895 na
MANILA, Philippines – Umaabot na sa 895 katao na umano’y drug pushers ang napatay sa pinaigting na anti-drug war ng Philippine National Police (PNP) sa bansa.
Ayon kay PNP Spokesman Sr. Supt. Dionardo Carlos, ang nasabing bilang ay naitala mula Hulyo 1 sa unang araw ng panunungkulan ni Pangulong Rodrigo Duterte hanggang alas-6 ng umaga nitong Agosto 30.
Gayunman, sa napatay na 895 drug pushers ay hindi pa dito kabilang ang mahigit 1,000 biktima ng summary executions na ayon sa pulisya ay kagagawan ng kanilang mga kasamahan sa sindikato ng droga na mga nagpapatayan.
Sinabi ni Carlos, nasa 12,920 naman ang nasakoteng mga drug pushers sa serye ng operasyon ng mga awtoridad.
Inihayag pa ni Carlos umaabot naman sa 626,368 ang mga nagsisukong drug personality kabilang dito ang 585,304 drug user at nasa 41,064 mga drug pusher.
Sa serye ng operasyon ng PNP, nasa 812 ang naisilbing mga warrant of arrest habang nasa 555,018 ang nakatok na mga kabahayan sa Oplan Tokhang sa ilalim ng Oplan Double Barrel.
- Latest
