Digong mas nanaising mamatay para sa bayan, kaysa sa katandaan

MANILA, Philippines – Mas gugustuhin pa ni Pangulong Rodrigo Duterte na mamatay kasama ang mga sundalo sakaling  hindi na maiwasan ang giyera sa pagitan ng Pilipinas at China kaysa sa mamatay siya sa katandaan.

Sa talumpati ng Pangulo noong Biyernes ng gabi sa  10th Eastern Mindanao Command Anniversary, Naval Station Apolinario, Panacan, Davao City, sinabi ng Pangulo na dapat nakahanda ang bansa sakaling tuluyan ng umalis ang China sa formal talks dahil iisa lamang ang kahulugan nito.

“Now, are we towards the future… Philippines is going to experience another spasm. When? I do not know. Sigurado? Sigurado ‘yan. So we prepare within our limited talent, our capacity. We cannot really produce the missiles and things. But ‘yung ating nalaman lang how to fight the war, win or lose, wala na tayong pakialam.

Kaya dapat aniyang tapusin na ang gusot sa loob mismo ng Pilipinas upang makapaghanda ang militar.

“Basta we fight. It will come, maybe sooner than later. But we have to prepare. So that also to end the small wars here because you have to focus on a new”, anang Pangulo.

Maging sina Defense Secretary Delfin Lorenzana at dating Pangulong Fidel Ramos na special envoy ng Pilipinas sa China ay naniniwalang dapat nakahanda ang bansa.

“When it will come, you can ask Secretary Lorenzana, we had a very serious discussion, President Ramos and some other guys. It’s good to be prepared. Pero alam ko na I can always rely on the Armed Forces to keep the integrity of the Republic, and do not be afraid. Kung panahon ko ‘yan, ako ang mauna. Patahian mo lang ako ng uniporme na ganon, ‘yung smarte,”pahayag ni Duterte.

Kung mangyayari umano ang gusot, sinabi ni Duterte na mauuna siyang lalaban dahil mas gugustuhin nyang ilibing na sinasaluduhan kaysa sa umabot ng 90-anyos gulang at mamatay sa bangungot.

“Kung mangyari ‘yan, ako. I swear to God. Ako ang mauna doon. Mas mauna ‘yang, mas maganda ‘yung inilibing ka marami mag-salute. May cartage pa. Hilain ka ng kabayo. Eh kung tatanda ako sa buhay na ito, mamatay ako 90 years old. ‘Namatay si Duterte.’ ‘Sino ‘yan?’  ‘Yung... never heard.’ Ano ang kinamatay?” “Bangu­ngot.”  Sakyan ko na lang ‘yung bala ng kanyon nila. You know, just a joke,” anang Pangulo.