Graft vs Leyte officials aprub sa Ombudsman
MANILA, Philippines – Inaprubahan ng tanggapan ng Ombudsman na sampahan na ng kaso ang mga opisyal ng lalawigan ng Leyte kaugnay ng pagbili ng dump truck noong 2008.
Kasong graft ang ipinasasampa kina dating Mayor Federico Carolino Sr. ng Capoocan, Leyte kasama ang mga miyembro ng Bids and Award Committee (BAC) na sina Pio Antonio Borrel, Macario Noel Gullemas, Letecia Merelos, Frumencio Juntilla at Jesalie Loteyro.
Kapwa akusado ang mga repsesentatives ng Compressed Air Machineries & Equipment Corporation (Camec) na sina Manuel Poblico at Jovelito Monesit.
Sinasabing naibigay ng naturang mga opisyal sa Camec ang pagbili sa dalawang Mitsubishi dump trucks
Sa rekord noong Disyembre 2008, dalawang dump truck ang nai-deliver ng Camec sa bayan ng Capoocan matapos sabihing ito ang nanalong bidder kahit na may mga ebidensiya na nagkaroon ng anomalya sa proseso ng bidding. Sinasabing itinuloy pa rin nina Carolino ang kontrata sa Camec kahit may problema ang business name nito at iba pang iregularidad tulad ng hindi pag-comply sa technical specifications at bigong maideklara ang naaprubahang budget para sa kontrata.
- Latest