Petisyon sa SOCE extension ibinasura ng SC

MANILA, Philippines – Ibinasura kahapon ng Supreme Court ang petisyon na ipawalang-bisa ang Comelec en banc resolution na pagpapalawig sa deadline ng paghahain ng statement of contributions and expenditures (SOCE) ng mga nanalo o natalong kandidato ng nagdaang May 9 national elections.

Una rito, naghain ng petition for certiorari si Atty, Manuelito Luna na first nominee ng One Abilidad Partylist group na ipawalang-bisa ang ipinasang resolution ng poll body na extension ng filing ng SOCE. 

Matatandaang, inakda ng Comelec nitong Hunyo 8 ang deadline ng paghahain ng SOCE ng mga nanalo o natalong kandidato ng nagdaang May 9 elections subalit humirit ang kampo ng talunang presidential candidate ng Liberal Party na si Mar Roxas na palawigin pa ito ng hanggang Hunyo 30. 

Pinagbigyan naman ito ng poll body kung kaya dumulog sa SC ang One Abilidad Partylist group.