Davao Oriental, niyanig ng lindol

MANILA, Philippines – Niyanig ng lindol na may lakas na  magnitude 5 ang Davao Oriental kahapon ng alas- 2:40 ng hapon ng Sabado. Ayon sa Philippine Institute of Volcanology and Seismology (Phivolcs) ang sentro ng lindol ay naitala sa layong 002 kilometro ng hilagang kanluran ng Governor Generoso Davao Oriental. Iniulat ng Phivolcs na umaabot sa 036 kilometro ang lalim ng lupa ng pagyanig at tectonic ang origin nito. Bunga nito, naramdaman ang lakas ng lindol sa intensity 3 sa Davao City. Inaasahan naman ng Phivolcs ang pagkakaroon ng aftershocks matapos ang pagyanig. Wala namang ulat ng damage ang naganap na lindol.