Duterte sa Pasay concert: Bakit ganoon karami ang namatay?

MANILA, Philippines – Dismayado si incoming president Rodrigo “Rody” Duterte sa pagkamatay ng limang katao sa isang concert sa lungsod ng Pasay nitong Linggo.

Kilala si Duterte sa kaniyang kampanya kontra ilegal na droga kaya naman sinisisi niya ang mga pulis matapos matanggap ang ulat na may lantarang pagbebenta sa concert grounds.

“I am addressing myself to the police and law enforcement as a mayor and as a citizen of this republic, karaming tao diyan  PDEA (Philippine Drug Enforcement Agency), then police community sali sali na ‘yan sila lahat diyan. There is a national team and there is a local of Pasay, how come nakalusot bagay na iyon?” pahayag ni Duterte.

 “It's a failure of intelligence. Nasaan ang NBI (National Bureau of Investigation) ang anti-drug nila or whatever that agency is called? Saan ‘yung pulis? Saan ‘yung PDEA? Bakit ganun karami ang namatay?” dagdag niya.

Sinabi pa ni Duterte na pinapasweldo ang mga pulis upang mapigilan ang mga ganoon insidente kaya naman ipinagtataka niya kung paano ito nangyari.

 “I'm at a loss kung bakit na sa ganun karami pinagpasapasahan and it was reported that there was one corner of the place where drugs were being distributed, apparently sold and it escaped the attention of the law enforcement authorities. It is unacceptable,” patuloy ng alkalde ng Davao.

Dahil dito ay nakaamba na ang pagbabalasa sa hanay ng pulisya kapag nakaupo na siya sa pwesto.

Lima ang nasawi sa Closeup Forever Summer festival sa Mall of Asia concert grounds kung saan dahil umano sa pag-inom ng mga ilegal na droga.