PNP chief nagpapaalam na
MANILA, Philippines – Nagsimula nang magpaalam si outgoing Philippine National Police (PNP) chief P/Director General Ricardo Marquez sa kanyang mga tauhan sa iba’t-ibang himpilan ng pulisya sa buong bansa. Ito’y kaugnay ng napipintong pagsusumite ng courtesy resignation ni Marquez kay incoming President Rodrigo “Digong“ Duterte.
Ayon kay PNP spokesman Chief Supt. Wilben Mayor, nagtungo sa Butuan City si Marquez kung saan personal nitong pinasalamatan ang mga opisyal at tauhan ng CARAGA Police kasabay ng pagpapaalam nito. Bahagi aniya ng tradisyon ng PNP ang magpaalam ang Chief PNP kapag malapit na nitong lisanin ang serbisyo o magretiro. Unang binisita ni Marquez ang Police Regional Office (PRO) 4 A na nakabase sa Camp Vicente Lim, Laguna at iba pa.
- Latest
