Duterte lumabag sa Magna Carta ng kababaihan sa ‘rape joke’ - CHR
MANILA, Philippines – Nilabag umano ni incoming President Rodrigo Duterte ang Magna Carta of Women nang magkomento hinggil sa paghalay at pagpatay sa isang Australian missionary kamakailan.
Ito ang pahayag ng Commission on Human Rights (CHR) sa ginawang pahayag at kilos ni Duterte na umanoy isang pagtatanggi sa mga kababaihan na nakasaad sa naturang batas.
Inirekomenda ng CHR mula sa isang resulosyon na aksyunan ang isyu ng Civil Service Commission at Department of Interior and Local Government.
Ayon sa CHR, mayroon silang mandato na pangalagaan ang karapatang pantao ng bawat indibiduwal at ipagtanggol ang mga taong nalalabag ang karapatan anuman ang posisyon sa pamahalaan ng inaakusahan ng paglabag sa batas.
“Pu***** ina, sayang ito. Ang nagpasok sa isip ko, ni-rape nila, pinagpilahan nila doon. Nagalit ako kasi ni-rape? Oo, isa rin ‘yun. Pero napakaganda, dapat ang mayor muna ang mauna. Sayang,” pahayag ni Duterte noon na naging viral sa social media sa kaso ng nagahasa at napatay na Australian na si Jacqueline Hamill na hinostage ng mga preso sa Davao City jail noong 1989.
Ang aksyon ng CHR ay bunsod sa ireklamo ng WomanHealth Philippines, Kasarinlan para sa Kalayaan, Sentro ng Manggagawa ng Pilipinas, Labor Education and Research Network, at Sagip-Ilog Pilipinas laban kay Duterte.
- Latest