Miriam tatapusin ang termino sa pamamahinga
MANILA, Philippines – Dahil sa pagsailalim sa gamutan para sa kaniyang sakit, nakararanas ng physical at mental weakness si Sen. Miriam Defensor-Santiago dahilan upang maghain ng medical leave hanggang sa pagtatapos ng kaniyang termino sa Senado.
Sa liham na ipinadala niy kay Senate President Franklin Drilon, sinabi ni Santiago na nais na lamang niyang magpahinga dahil sa sakit na cancer.
“This signifies that I shall continue on medical leave for cancer. One of the medications has produced a side effect of anorexia (inability to eat), which renders me physically and mentally weak,” nakasaad sa liham ni Santiago.
“In any event, my staff and I shall be ready to vacate our offices by 30 June 2016,” dagdag niya.
Noong panahon ng kampaniya ay iginiit ni Santiago na siya ay magaling na sa cancer at normal na siyang namumuhay.
Sa ikalawang presidential debate ay hindi dumalo si Santiago para sumailalim sa isang international clinical trial ng isang anti-cancer pill.
After losing her bid for the presidency, Sen. Miriam Defensor Santiago will finish the last days of her term resting pic.twitter.com/9Cd8M39Z0x
— Marvin Sy (@hey_marv) May 24, 2016
- Latest
