Comelec, MTRCB nagtuturuan sa political ads
MANILA, Philippines – Parehong itinanggi ng Commission on Elections (Comelec) at Movie and Television Review and Classification Board (MTRCB) na sila ang may responsibilidad sa mga television at radio commercials para sa eleksyon.
Sinabi ng MTRCB na sa ilalim ng Fair Elections Act ang Comelec ang dapat mag regulate ng mga political advertisements.
MTRCB informs the gen public that it is the COMELEC w/c has sole jurisdiction to regulate political TV ads under the Fair Elections Act.
— MTRCB (@MTRCBgov) May 5, 2016
Samantala, nilinaw naman ni Comelec Spokesperson James Jimenez na ang maaari lamang nilang bantayan ay ang haba ng political ads
"Under our rules kasi, and nire-regulate ng Comelec ay 'yung duration ng broadcast ads, specifically on the per station basis kaya meron tayong ad time limits pero hindi tayo nagre-regulate the content," paliwanag ni Jimenez.
BASAHIN: Trillanes sa ‘Dutertards’: Ipokrito
Aniya wala silang kapangyarihan upang pakialaman kung sino o ano ang mga lalabas sa political ads.
"Sa dinami-dami ng eleksyon na pinagdaanan. Ang dami natin nakikita na mga negative ads talaga and as far as the actors, I don't think that there are any new categories of actors. Children, old people lahat yan nagamit na sa mga ads ng lahat ng mga kandidato yata," patuloy ng tagapagsalita ng poll body.
"These ads are not submitted to the Comelec nor are they required to be submitted to the Comelec," dagdag niya.
James Jimenez on controversial political ad by philstarnews
Inulan ng batikos ang MTRCB at Comelec gayun din ang nagpondo ng commercial na si Sen. Antonio Trillanes matapos lumabas ang ad na kinabibilangan ng mga bata.
Nasa naturang commercial ang pagmumura ni Duterte at ang pagbabanta na pagpatay na tinututulan ng mga bata.
Sa ilalim ng Republic Act 9006 o Fair Elections Act maaari lamang magkaroon ng TV advertisement ang mga tumatakbo sa national position na may habang 120 minutes, habang 60 minutes naman ang para sa local position.
- Latest
