Trillanes sa ‘Dutertards’: Ipokrito
MANILA, Philippines – Matapos ulanin ng batikos ang umeere at kumakalat na “negative television ad” kinuwestiyon ni vice presidential aspirant Sen. Antonio Trillanes IV ngayong Biyernes ang mga taga-suporta ni presidential candidate Davao City Mayor Rodrigo Duterte.
Sinabi ni Trillanes na tila biglang inalala ng mga tagasuporta ni Duterte ang kabataan matapos lumabas ang commercial sa telebisyon at radyo, ngunit nakalimutan aniya ang mga ginawa ng alkalde ng Davao sa harap ng mga camera.
"'Dutertards' are suddenly concerned about children? Yet every time Duterte cusses and jokes about his penis and rape not realizing children are listening, too? Such hypocrisy, right?" wika ni Trillanes na kinasuhan din ng plunder si Duterte dahil sa mga umano’y tagong yaman.
Aniya walang nalabag na batas sa naturang commercials sa pagbida ng ilang mga bata.
BASAHIN: INC para kina Duterte, Marcos
Sinabi pa ni Trillanes na malaki ang magiging epekto ng magiging pangulo sa mga kabataan dahil siya ang titingalain na pinuno ng bansa.
“The truth definitely hurts,” pahayag ni Trillanes na nagpondo ng commercial.
"The children were purposely used to hammer the message that they should always be part of the consideration in our choice of leaders of the country not only because it is for their future but also because they will emulate these leaders,” dagdag niya.
Sa pinakahuling survey ay nangunguna pa rin si Duterte, habang lumakas pa ang suporta sa kaniya matapos siyang iendorso ng Iglesia Ni Cristo.
- Latest