TINGNAN: BPI peso at dollar account balance ni Duterte

MANILA, Philippines — Upang malinawan ang lahat, ipinakita na ni presidential candidate Davao City Mayor Rodrigo "Rody" Duterte ngayong Huwebes ang laman ng kaniyang peso at dollar account sa Bank of the Philippine Islands (BPI).

Sa isang pulong balitaan na ginawa sa tanggapan ng The Philippine Star, ipinakita ni Duterte ang certification mula sa BPI-Julia Vargas branch kung saan nakasaad na mayroon lamang siyang P17,816.98 sa joint account nila ng kaniyang anak na si Sara mula pa noong Marso 31, 2014.

Bank certificate shown by Duterte camp @PhilstarNews pic.twitter.com/FnPy9Ligp3

— Rosette Adel (@rosette_adel) May 4, 2016

Sa hamon ng katunggaling si Liberal Party standard bearer Mar Roxas, ipinakita rin niya ang laman ng dollar account na may $5021.70.

“Ipapakain ko ito (certificate) kay Mar,” pahayag ng alkalde.

Bank certification of Duterte's dollar account @PhilstarNews #BilangPilipino pic.twitter.com/CYkXWq0ZDF

— Rosette Adel (@rosette_adel) May 4, 2016

Sa paratang ni Trillanes ay sinabi niyang Maros 28, 2014 ipinasok ang P211 milyon na umano’y hindi idineklara ni Duterte sa kaniyang statement of assets, liabilities and net worth.

Aniya pag pinagsama-sama ang umano’y tagong yaman ni Duterte sa iba pang banko ay aabot ito sa P2.4 bilyon.

BASAHIN: Duterte una pa rin sa Pulse Asia survey

Iginiit naman ni Duterte na nagsisinungaling si Trillanes at hinikayat din niya ang Anti-Money Laundering Council (AMLC), Banko Sentral ng Pilipinas at Commission on Audit na imbestigahan siya.

“That is criminal negligence kung wala silang (AMLC, other agencies) aksyon. Bakit hindi ako iniimbestigahan? Anong klaseng AMLC ka? You allow dirty money floating in banks. Dapat magtulong-tulong sila para mailabas ang P2.4 (billion),” wika ni Duterte.

 “Alam ninyong dirty money yang P2.4 (billion), bakit wala akong narinig? Wala akong criminal proceeding?” dagdag niya.

BASAHIN: Duterte camp: Walang P211M noon, ngayon at kailanman