Leni, Bongbong tabla sa VP race
MANILA, Philippines — May pagitan man ng dalawang puntos, tabla pa ring maituturing sina Camarines Sur Rep. Leni Robredo at Sen. Ferdinand "Bongbong" Marcos Jr. sa vice presidential survey ng Pulse Asia.
Nasa tuktok si Robredo na may 30 percent, habang 28 percent naman si Marcos, limang araw bago ang araw ng eleksyon sa Mayo 9.
Pangatlo at pang-apat naman sina Sen. Francis "Chiz" Escudero (18 percent) Sen. Alan Peter Cayetano (15 percent) sa survey na pinondohan ng ABS-CBN Corp. noong Abril 26 hanggang Abril 29.
Nasa ilalim naman sina Sen. Antonio Trillanes IV at Sen. Gregorio "Gringo" Honasan II na may 3 percent at 2 percent ayon sa pagkakasunod.
Samantala, hawak pa rin ni Davao City Mayor Rodrigo Duterte ang number one spot sa presidential survey ng Pulse Asia.
- Latest