Roxas, Poe pinaiimbestigahan sa vote buying
MANILA, Philippines – Pinasisilip ni Senatorial candidate Greco Belgica sa Commission on Elections ang umano’y ginagawang pamimili ng boto nina Liberal Party standard-bearer Manuel “Mar” Roxas II at presidential bet Sen. Grace Poe.
Sinabi ng dating konsehal ng Maynila na mayroon siyang mga ebidensya na magpapatunay sa pamimili ng boto nina Roxas at Poe.
“Wherefore it is respectfully prayed to this Honorable Commission to create a body to conduct an investigation on the above-stated vote-buying scheme by the Liberal Party,” nakasaad sa petisyon ni Belgica.
Bukod sa imbestigasyon, nais din madiskwalipika ni Belgica ang dalawang presidential candidate.
Samantala, pinabulaanan din ng senatorial candidate na may halong politika ang kaniyang petisyon.
“It is the right of every citizen, voting or not, to report incidents in violation of any laws particularly those pertaining to election laws.”
Si Belgica ang lead petitioner sa Korte Suprema laban sa pork barrel system at Disbursement Acceleration Program.
Kilala ring taga suporta ni presidential candidate Davao City Mayor Rodrigo Duterte si Belgica.
- Latest