Suntukan isyu itinanggi ni Escudero
MANILA, Philippines - Mariing itinanggi ni Vice-presidential bet Sen. Francis “Chiz” Escudero ang umano’y pakikipagsuntukan nito sa asawa ng kanyang presidential running mate Sen. Grace Poe na si Niel Llamanzares hingil sa usapin umano ng paghahawak ng campaign funds.
Ayon kay Escudero, ang nasabing balita ay maituturing na tsismis lang at nais lang na wasakin ang kanilang tandem ni Poe.
“Not true at all. No such incident, no such argument, no such fight,” ani Escudero sa isang tv interview nito kahapon.
Ang nasabing tsismis umano ay nagnanais lang na makita ang Poe-Escudero tandem na bumagsak.
“Kesa naman sasabihin nilang may secret bank account ako o si Senator Grace, kesa naman sabihin nila na magnanakaw kami, ‘yun na lang siguro ang pwede nila talagang palabasin na isyu na nag-aaway kami,” dagdag pa ni Escudero.
Tiniyak pa ni Escudero na walang anumang uri ng tsismis o black propaganda ang maaaring makapagwasak ng magandang samahan nila ni Poe lalo pa’t 12-taon na niyang itong kasama mula na siya ay naging spokesperson ng namayapang ama nito na si dating action king Fernando Poe Jr.
- Latest
