Dating Chief Justice Corona pumanaw na
MANILA, Philippines – Sumakabilang buhay na si dating Chief Justice Renato Corona ngayong Biyernes.
Sa edad na 67 ay pumanaw na si Corona dahil sa cardiac arrest ganap na 1:48 ng umaga.
"It is with deep sorrow that the National Transformation Council announce the demise of Council member Chief Justice Renato C. Corona. At 1:48 am today, April 29, 2016, Chief Justice Corona succumbed to cardiac arrest,” pahayag ng National Transformation Council.
“Please pray for the eternal repose of his soul as he joins his Creator," dagdag nila.
Iniutos ni SC Chief Justice Maria Lourdes Sereno ang pag half mast ng lahat ng watawat ng Pilipinas sa lahat ng korte sa buong bansa.
Kontrobersyal ang pagkakaluklok kay Corona noong Mayo 2010, kung saan isa siya sa mga midnight appointee ng pababa na sa pwestong si dating Pangulong Gloria Macapagal Arroyo.
Nasibak naman sa pwesto si Corona noong Mayo 2012 sa impeachment court ng senado dahil sa betrayal of public trust at paglabag sa Saligang Batas nang hindi ideklara ng ilang yaman niya sa kaniyang Statement of Assets, Liabilities and Net worth.
- Latest
