Dobleng pension sa mahihirap na seniors isusulong ni Romulo
MANILA, Philippines – Nangako kahapon ang isa sa mga kandidato sa pagka-senador ng Team Galing at Puso na isusulong niya ang dobleng pension para sa mga mahihirap na senior citizens kapag nahalal siyang senador.
Ayon kay Rep. Roman Romulo, na kabilang sa team nina Senators Grace Poe at Chiz Escudero na dapat taasan ng susunod na Kongreso ng kahit P1,000 o P12,000 kada taon ang pension ng mga mahihirap na senior citizens.
Naniniwala si Romulo na matagal na dapat ipinatupad ang pagtaas sa pensiyon lalo pa’t dapat nire-review ng Kongreso ang allowance ng mga mahihirap na senior citizens.
“The raise is long overdue. Under the law, Congress is supposed to review the allowance for poverty-stricken seniors every two years for a possible upward adjustment. Yet, Congress has not bumped up the pension in the last six years,” ani Romulo.
Nakasaad sa Expanded Senior Citizens Law of 2010 ang pagbibigay ng buwanang P500 stipend, o P6,000 per annum sa mga senior citizen na dapat sumailalim sa review sa bawat ikalawang taon ng Kongreso sa pakikipag-konsultasyon sa Department of Social Welfare Development (DSWD).
Naniniwala si Romulo na dapat magpasa ang Kongreso ng isang joint Senate-House resolution na magbibigay ng 100-percent increase sa buwanang pension o allowance ng mga mahihirap na seniors.
“A monthly grant of at least P1,000 will serve as a bigger helping hand to extremely deprived seniors who have absolutely no one else to turn to for financial aid,” ani Romulo.
- Latest
