Echiverri sumuporta sa 10 adyenda ng Makabayan

MANILA, Philippines – Sinusuportahan ng Team Echiverri sa pangu­nguna ni 1st District Caloocan Rep. Recom Echiverri na isulong ang sampung agenda ng Makabayan Caloocan ng magkaroon ng isang malaking asembliya bitbit ang temang ‘Itakwil ang tradisyunal na politika! Isulong ang politika ng pagbabago!

Nanguna sa ginawang asembliya si Bayan Muna Rep. Neri Colmenares na nagbigay ng 10 puntong adyenda sa Caloocan tulad ng gawing prayoridad ang pagpapaunlad ng lokal na industriya sa Lungsod, itaguyod ang kagalingan ng mga manggagawa’t kawani, isulong ang local housing plan na tunay na kakalinga sa maralitang pamilya, itaguyod ang public education bilang serbisyo, isulong ang serbisyong pangkalusugan para sa publiko, bigyan kapangyarihan ang kababaihan para sa makabuluhang paglahok at pagpasya, isulong ang karapatan ng mga migrant workers, public vendors, drivers, senior citizens, solo parents at persons with disability.