Sa Binay presidency: Tax free sa sumasahod ng P30K pababa
MANILA, Philippines – Hindi na bubuwisan ang mga kumikita ng P30,000 at pababa kada-buwan sa Binay administration.
Ang ginhawang tapyas buwis ay isa sa mga ilalaban ng pambato ng United Nationalist Alliance (UNA) na si Jejomar Binay.
Kayang-kaya ang tapyas buwis sa kadahilanan na ang mawawalang P30 bilyon sa kaban ng gobyerno ay wala pa isang porsiyento sa inaaprubahang badyet ng gobyerno ngayong 2016 na P1.3 trillion, ayon kay Binay.
Kayang-kaya ding bawiin ang mawawalang pondo sa isang masinsinang pagsupo ng smuggling, diin pa ni Binay.
Halos P230-bilyon ang nawawala sa mga smugglers ng bigas, bawang at iba pang produktong agrikultura noong nakaraang taon sa kasalukuyang administrasyong Aquino. Halos hindi rin binabanggit ng Liberal Party ang malalang isyu ng smuggling.
Maliban pa sa agriculture smuggling, halos P30 bilyon din ang nawawala sa oil smuggling at halos P12 bilyon sa tobacco smuggling.
Ang tapyas-buwis din ay laking tulong sa pang araw-araw na gastos sa pamilyang Pilipino, ayon kay Binay.
Bukod sa dagdag kita, mas maraming mabibili ang bawat pamilyang Filipino na makatulong sa kanilang buhay at sa ating ekonomiya, diin ni Binay.
- Latest