No evidence vs Grace na hindi Pilipino - SC justice
MANILA, Philippines – Walang ebidensiya na maipakita ang Commission on Elections (Comelec) na si Senator at Presidentiable Grace Poe ay hindi isang natural born Filipino.
Ito ang sinabi kahapon ni Associate Justice Francis Jardeleza sa ikaapat na oral arguments na ginawa ng Korte Suprema hinggil sa disqualification case ni Poe na naigawad ng Comelec laban sa huli sa isyu ng citizenship.
Sa argumento ni Comelec Commissioner Arthur Lim, ginagawa naman ng Comelec ang katotohanan sa pagkatao ni Poe maging ang pagkakatagpo dito sa Jaro Cathedral noong 1968 pero hindi anya ito sapat para ma-establish na isang natural-born citizen.
Diniin naman ni Justice Jardeleza na kahit na malaman ang katotohanan pero hindi pa rin nila masasabing nagkaroon ng material misrepresentation si Poe batay lamang sa paniniwala ng Comelec na ang mga pulot o foundling ay hindi natural-born.
“To my mind, you did not make a factual determination based on evidence, Poe “tendered allegations of fact which to their mind will prove that she’s a natural-born citizen..Where in the two en banc resolutions of the commence did it make a finding of fact based on other evidence presented by Poe?” pahayag ni Jardeleza bilang tugon sa pagpapatuloy ng oral arguments sa kaso ni Poe.
Knuwestyon din ni Jardeleza si Lim kung ang Comelec ay gumawa na ng posisyon na si Poe ay hindi isang natural-born Filipino batay lamang sa nabasa sa Konstitusyon kung sino ang mga taong maikokonsiderang natural-born Filipinos.
Sinabi ni Lim na napag-usapan ng Comelec ang mga detalye na naiprisinta sa kaso na may kinalaman sa status ni Poe bilang isang foundling at ang mga detalyeng ito ay hindi nangangahulugan kung ano ang natural born.
Muli sa susunod na Martes ay isasagawa ang oral arguments sa kaso ni Poe.
- Latest
