SONA ni PNoy sasagutin ng TSONA ni VP Binay
MANILA, Philippines – Matapos ang huling State of the Nation Address (SONA) ni Pangulong Benigno Aquino III kahapon, nakatakdang sagutin naman ito ni Vice President Jejomar Binay ng kanyang “True State of the Nation Adress” (TSONA).
Sa isang panayam, sinabi ni Binay na magkakaroon siya ng ‘True State of the Nation’ na kanyang isasagawa sa takdang panahon. Ayon kay Binay, ang kanyang mga sasabihin ay depende sa naging presentasyon ng Pangulo sa SONA nito.
Nauna rito, sinabi ni Binay na nakahanda siya sa pagharap sa Kongreso upang makinig sa SONA ng Pangulo at handa rin siya sa anumang pasaring ng administrasyon. Gayunman, tiniyak nito na kapag nagkaharap sila ng Pangulo sa Kongreso ay kanyang kakamayan bilang isang sibilisadong tao.
- Latest