Binay sa posibleng tambalan nila ni Duterte: Very, very qualified

MANILA, Philippines – Inamin ni Bise Presidente Jejomar Binay na tinitingnan nila ang posibilidad na makatambal si Davao City Mayor Rodrigo para sa nalalapit na eleksyon.

Pinuri ni Binay si Duterte, ngunit nilinaw na wala pa naman siyang napipiling running mate.

''But one thing sure is, si Mayor Duterte is very, very qualified, a model local government official,'' wika ni Binay.

Naunan nang nabanggit ni Sen. Jinggoy Estrada na nililigawan ng United Nationalist Alliance si Duterte para tumakbong Bise Presidente ni Binay.

"I think Vice President Binay has offered the slot of vice presidency to Mayor Duterte. I think hindi pa yata sila nagka-ayusan," wika ni Estrada sa kaniyang panayam sa TV5.

Bukod sa pagka bise presidente, maganda ang resulta ng presidential survey para kay Duterte na nasa ikatlo at ikaapat na puwesto.

Ilang beses nang sinabi ni Duterte na wala siyang balak tumakbo bilang pangulo.