Discounts ng may kapansanan pinadadagdagan
MANILA, Philippines - Pinaaameyandahan ni Sen. Ralph Recto ang Republic Act No. 7277 o ang Magna Carta for Person with Disability’ upang madagdagan ang discount ng mga taong may kapansanan sa value added tax sa ilang goods at services.
Sa Senate Bill 2483 ni Recto, sinabi nito na ilang batas na ang naipasa na nagbibigay ng proteksiyon at tulong sa mga tinatawag na “persons with disabilities (PWDs) partikular ang RA 7277.
Nais ni Recto na amiyendahan ang Section 32 ng RA 7277 upang mabigyan pa ng karagdagang exemption mula sa 12% VAT sa pagbili ng ilang produkto at serbisyo ang mga PWDs bukod pa sa 20% discount na natatanggap na nila sa ilalim ng batas.
Ayon kay Recto, kung maisasabatas, mas malaki na ang halagang matitipid ng mga taong may kapansanan at mas mahihigitan pa nila ang discounts na ipinagkakaloob sa mga senior citizens.
Sa pag-aaral ng United Nations Economic and Social Commission for Asia and the Pacific (UN-ESCAP), natuklasan na ang mga PWDs ay kalimitang nabibilang sa pinakamahihirap na sektor ng populasyon.
- Latest