Jinggoy, Bong pwede mag-Christmas party sa selda

MANILA, Philippines – Pinayagan ng Philippine National Police (PNP) ngayong Miyerkules sina Senador Jinggoy Estrada at Ramon Bong Revilla Jr. na mag-Christmas party sa loob ng kanilang kulungan.

Sinabi ni PNP spokesperson Senior Supt. Wilben Mayor na anumang araw sa holiday season maaaring magsagawa ng party sa loob ng kanilang kulungan sa PNP custodial center.

Pinayagan din ng PNP na magkaroon ng bisita at magpasok ng pagkain sa gagawing Christmas party.

Nilinaw naman ni Mayor na tanging immediate family lamang ang maaring dumalo sa oras lamang din ng visiting hours na ala-1 ng hapon hanggang alas-5 ng hapon tuwing weekdays at alas-8 ng umaga hanggang alas-5 ng hapon tuwing weekends.

Nakakulong ang dalawang Senador dahil sa kasong plunder kaugnay ng pork barrel scam.