Aquino: Emergency powers sa lalong madaling panahon

MANILA, Philippines - Hinikayat ni Pangulong Aquino ang Kongreso na madaliin na ang pagbibigay sa kanya ng emergency powers upang mapigilan ang kinatatakutan ng kanyang administrasyon na posibleng energy crisis sa susunod na taon.

Sa kanyang inagurasyon ng solar-powered rooftop ng SM City North Edsa, muling nagbabala si Pangulong Aquino na maaaring makaranas ng 330 megawatts hanggang 1,000 megawatts na kakulangan sa suplay ng kuryente ang Luzon sa susunod na tag-init.

"We are hopeful that both the House and the Senate will approve the joint resolution we requested sooner rather than later in order to give the national government enough time to contract the necessary reserves," ani Aquino.

Samantala, tiniyak naman ng Pangulong Aquino na ginagawa ng gobyerno ang lahat ng kaya nito upang maagapan ang inaasahang krisis.

"This is not a challenge the national government can overcome alone, which is why we are all working with all sectors to address this issue," aniya.

Umaasa din ang Pangulo na matutupad ng kanyang administrasyon ang pinupuntirya nilang pagkakarooon ng malinis at makatwirang presyo ng power supply sa bansa.

"We are on our way towards achieving that goal," ani Aquino.