Binay umatras sa debate vs Trillanes

MANILA, Philippines --  Umatras na si Bise-Presidente Jejomar Binay sa nakatakda nilang debate ni Senador Antonio Trillanes IV sa Nobyembre 27.

Inihayag ni Binay ngayong Martes ng umaga ang kanyang pag-atras dahil sa  umano'y haka-haka ng senador sa kahihinatnan ng debate.

Dagdag niya na pinal na ang kanyang desisyon.

Matatandaang si Binay ang naghamon kay Trillanes para sa isang debate na mariing tinututulan ng kanyang mga kaalyado.

Pagdedebatihan sana ng dalawang panig ang isyu ng pangungurakot umano ng Bise Presidente.