PNoy mag-iinspeksiyon sa bus terminals, airports at pantalan
MANILA, Philippines - Muling magsasagawa ng pag-iinspeksiyon si Pangulong Aquino sa mga terminal ng bus, airports at mga pantalan ngayong darating na Undas.
Ayon kay Communications Secretary Herminio Coloma Jr., nakaugalian na ng Pangulo ang pag-iinspeksiyon sa panahon ng Undas upang personal na makita ang nagaganap sa mga terminal.
Nakatitiyak rin si Coloma na dahil sa naging ugali ng Pangulo na pag-iikot tuwing Undas naghahanda rin ang mga lugar na posibleng bisitahin at upang matiyak rin ang ligtas na paglalakbay ng mga Filipino na uuwi sa kani-kanilang probinsiya ngayong Araw ng mga Patay.
Dagdag pa ni Coloma na base na rin sa kanilang karanasan, pinakamaraming Pilipino na umuuwi sa kanilang mga bayan o probinsiya tuwing Undas. (Malou Escudero)
- Latest