P31.9M gastos sa European trip sulit

MANILA, Philippines – Inaasahan ni Pangulong Aquino na magiging sulit naman ang P31.9 milyong ginastos ng gobyerno para sa European trip kaya panay ang panunuyo nito sa mga negosyanteng Espanyol sa kanyang pagbisita sa Spain.

Sa kanyang audience sa mga Spanish business groups, sinabi ni PNoy na napapanahon daw ang kanyang imbitasyon habang unti-unting bumabawi ang ekonomiya ng Spain.

Sa ngayon ay nasa 6.3 percent na ang naitalang GDP growth ng Pilipinas habang nakakuha na rin ito ng investment grade mula sa Moody’s, Standard & Poor’s at Fitch.

Ayon sa Pangulo, partikular daw sa maaring pag­laanan ng puhunan ang sektor ng turismo.