Belmonte: Anti-dynasty law 'di lulusot sa Aquino admin

MANILA, Philippines – Duda si Speaker Feliciano Belmonte Jr. na maipapasa ngayong administrasyong Aquino ang anti-political dynasty bill.

Sinabi ni Belmonte ngayong Biyernes na masusing pag-aaral ang gagawin sa naturang panukala kaya naman tatagal ito at hindi na aabutin ni Pangulong Benigno Aquino III para lagdaan.

"That bill will definitely not pass in its present situation. It will need to be amended and so forth," pahayag ni Belmonte sa isang panayam sa telebisyon.

Kaugnay na balita: PNoy sa anti-dynasty law: 'Kawawa kami'

Dagdag niya na maaaring hindi rin ito suportahan ng mababang kapulungan na dinodomina ng mga mula sa political dynasties.

"Nobody else will agree with that,” wika ng House Speaker, na ang anak na si Joy ay vice-mayor ng Quezon City. 

Iginiit niya na sinusuportahan niya ang panukala at patunay dito ang kanyang panagawan sa pagpapasa ng mungkahi nitong pagbubukas ng Kongreso.

Sinabi ni Aquino kahapon na handa niyang lagdaan ang panukala oras na lumusot ito sa Kongreso.