LPA nagbabanta sa Mindanao

MANILA, Philippines - Patuloy na nagbabanta ang isang low pressure area habang papalapit sa silangan ng Mindanao.

Kahapon ng umaga, huling namataan ang sentro ng namumuong sama ng panahon sa layong 500 kilometro silangan ng Hinatuan, Surigao del Sur.

Bunga nito, asahan na ang mga pag-uulan sa Zamboanga Peninsula gayundin sa Western Visayas at Central Visayas kasama na ang Metro Manila, Central Luzon, Cagayan Valley, Bicol, Calabarzon at Mimaropa areas dahil sa maulap na kalangitan.

Bagamat mahina pa ang sama ng panahon at maliit pa ang tsansang maging bagyo ito ay patuloy na pinapayuhan ng PAGASA ang mga nakatira sa nabanggit na mga lugar na mag-ingat para makaiwas sa epektong dala ng LPA.