Kalakhang Pinas uulanin dahil sa LPA sa Surigao
MANILA, Philippines - Makararanas ng bahagyang maulap hanggang sa maulap na papawirin ang buong bansa na may pulu-pulong pag-ulan dulot ng low pressure area (LPA), ayon sa state weather bureau ngayong Huwebes.
Huling namataan ng Philippine Atmospheric, Geophysical and Astronomical Services Administration (PAGASA) ang LPA sa
500 kilometro silangan ng Hinatuan, Surigao del Sur kaninang alas-4 ng umaga.
Mababa naman ang tsansang tuluyan itong maging bagyo, ngunit inaasahang magdadala ito ng mahina hanggang sa katamtamang lakas ng ulan sa Western at Central Visayas at Zamboanga Peninsula.
Maulap na kalangitan ang asahan sa Metro Manila, Central Luzon, Cagayan Valley, Bicol, Calabarzon (Cavite, Laguna, Batangas, Rizal ann Quezon) at Mimaropa (Mindoro, Marinduque, Romblon at Palawan) na may mahina hanggang katamtamang pag-ulan.
Kung tuluyang maging bagyo ang LPA ay pangangalanan itong "Kanor."
Tatlo hanggang apat na bagyo ang inaasahan ng PAGASA na papasok sa Philippine Area of Responsibility sa Setyembre.
- Latest