Pagbuo ng Code of Transportation and Commuter Safety, itinutulak ni Marcos
MANILA, Philippines - Umapela si Sen. Ferdinand “Bongbong” Marcos sa kanyang kapwa mga senador na muling pag-aralan ang ilang transportation laws upang mabuo ang Code of Transportation and Commuter Safety.
Ayon kay Marcos, nais lamang niyang masiguro ang kaligtasan ng mga commuters at pasahero maging ito man ay by land, air o pandagat.
Sinabi ni Marcos na hindi umano sapat ang provisions para sa kaligtasan ng mga commuters na nakasaad sa Articles 1755-1763 ng New Civil Code of the Philippines.
Paliwanag ni Marcos, panahon na upang magkaroon ng specific legal provisions upang malaman ng mga pasahero ang kanilang mga karapatan at mga safety measures na dapat na gawin ng mga transport company.
Naniniwala si Marcos na panahon na upang magbuo ang pamahalaan ng batas para sa mga commuter-friendly infrastructures na magbibigay din ng maayos na serbisyo sa publiko.
Bahagi ng batas ay ang regular na maintenance checks at ang pagpapataw ng parusa at pagbabayad ng danyos ng mga transport utility na lalabag sa batas.
- Latest