Masa pinupulsuhan na sa term extension ni PNoy
MANILA, Philippines - Kinokonsulta na ng ilang kongresista ang kanilang mga nasasakupan kaugnay sa Charter Change (Chacha) para sa posibilidad ng re-eleksyon ni Pangulong Aquino.
Ayon kay Pasig City Rep. Roman Romulo na miyembro ng Liberal Party (LP), ito ay bilang paghahanda umano para maaga niyang malaman ang pulso ng publiko sa kanyang distrito at ang resulta nito ay maipiprisinta niya sakaling magkaroon ng caucus ang mga kongresista sa naturang isyu.
Nilinaw naman ni Romulo na kusa niya ang konsultasyon at hindi utos ng liderato ng Kamara o ng kanilang partido.
Maging si Dasmariñas Rep. Elpidio Barzaga ay nakatakda rin konsultahin ang kanyang constituents sa nasabing usapin.
Subalit gagawin lamang umano ito ni Barzaga kapag mayroon ng official stand ang kanilang partido sa National Unity Party (NUP) sa isyu ng Chacha para sa term extension ng Pangulo.
- Latest