Manggagawang pumasok ng Hulyo 27 at 29 may dagdag na suweldo
MANILA, Philippines - Kinumpirma ng Department of Labor and Employment (DOLE) na makakatanggap ng dagdag suweldo o bayad ang mga manggagawa na pumasok sa trabaho noong Hulyo 27 at ngayon Hulyo 29.
Batay sa labor pay rules, kapag regular holidays, bawat manggagawa na magre-report sa trabaho ay makakatanggap ng double pay para sa unang walong oras sa kanilang trabaho habang makakatanggap ng 30% na dagdag kapag excess na sa walong oras.
Habang ang mga manggagawa na dapat naka-day off subalit pumasok sa trabaho ay makakatanggap naman ng 230% na bayad sa loob ng walong oras habang dagdag na 30% sa excess na oras.
Ang mga manggagawa naman na hindi magtratrabaho sa naturang mga araw ng holiday ay makakatanggap pa rin ng regular daily rate o arawang bayad.
Ayon pa sa DOLE, may karagdagang 30% sa kanilang regular daily pay ang mga mangaggawa na papasok ngayong araw.
Idineklara ng Malakanyang na isang special non-working holiday ang Hulyo 27 bilang paggunita sa ika-100th anniversary ng Iglesia Ni Cristo (INC) habang ang Hulyo 29 naman ay isang regular holiday ng Eid al Adha.
- Latest